7 ఆగష్టు 2017 శ్రావణపూర్ణిమ సోమవారం నాడు పాక్షిక చంద్రగ్రహణ సందర్భంగా నూతన యజ్ఞోపవీత ధారణ మాత్రం ఉండదు. కానీ యధావిధిగా రక్షా బంధన కార్యక్రమములు నిరభ్యంతరంగా ఆచరించవచ్చును. శాస్త్రీయంగా పంచాంగగణిత రీత్యా రక్షాబంధనమునకు శుభసమయము మధ్యాహ్నము 11గంటల 4నిముషాల నుంచి సాయంత్రం 4గంటల 1నిముషం వరకు ఉన్నది. అయితే ఉదయకాలంలో రక్షాబంధనాలు చేయువారలకు అది నిషిద్ధ సమయమేమి కాదు. శాస్త్రీయతను కోరుకునేవారు పై సమయాన్ని స్వీకరించండి. - శ్రీనివాస గార్గేయ

Monday, June 22, 2009

మావోయిస్టులపై నిషేధం మకర మాలికా యోగ దేశారిష్ట ఫలితమేనా?

రక్త రహిత యుద్ధం రాజకీయాలు కాగా,

నెత్తురు తడిసిన రాజకీయాలే యుద్ధం.... అని మావో సూత్రీకరించారు.

హింస రచన, ధ్వంస రచనలే విప్లవ పంథాగా విరుచుకుపడుతున్న మావోయిస్టుల ఆటకట్టించటానికి నేడు భారతదేశ ప్రభుత్వం నిషేధం విధించటం, ఈ నిషేధం దేశంలోని అన్నీ రాష్ట్రాలకు వర్తిస్తుందని కేంద్ర ప్రభుత్వం ప్రకటన చేసింది.

భారత ఉపఖండాన్ని విముక్తం చేసి నూతన ప్రజాస్వామిక విప్లవం సాధించాలనే రాజకీయ లక్ష్యానికి అనుగుణంగా ఏటికేడు దేశంలో మావోయిస్టులు విస్తరిస్తున్నారు. భద్రతా దళాలు నేరుగా తమపై కార్యాచరణకు దిగకుండా వ్యూహాత్మక యుద్ధ తంత్రాన్ని మావోయిస్టులు అనుసరిస్తున్నారు. భారత దేశంలో ఏడు రాష్ట్రాలలో మావోయిస్టుల హల్ చల్ నడుస్తున్నది. ఒరిస్సా, జార్ఖండ్, ఛత్తీస్ ఘడ్లలో విధ్వంసాలకు పాల్పడుతున్నారు.

రెండేళ్ళ క్రిందట గెరిల్లా యుద్ధ తంత్రాన్ని సంచార యుద్ధంగా మార్చుకున్న మావోయిస్టులు ప్రస్తుతం తదనంతర దశ అయిన పొజిషినల్ వార్ కు సిద్ధమయ్యారు. తమ ప్రాబల్యమున్న ప్రాంతాల్లో ప్రభుత్వ బలగాలతో ప్రత్యక్ష యుద్ధానికి తెగపడుతున్నారు. స్థానికుల అండ దొరికిన చోటల్లా కాలుదువ్వి రక్షణ బలగాలకు సవాలు విసురుతూ, తమ ప్రాబల్యం పెరిగిందని రుజువు చేసుకుంటున్నారు.

ఇలాంటి పరిస్థితులలో వున్న మావోయిస్టులు, ఉగ్రవాద సంస్థలతోకూడా సంబంధాలు పెట్టుకొని ,అత్యంత అధునాతన ఆయుధాలు చేతబడుతున్నారు. ఉగ్రవాదం, తీవ్రవాదం.......... ఈ రెంటితో దేశ భద్రతకు తూట్లు పొడుస్తూ.......... తుపాకీ గొట్టం ద్వారా రాజ్యాదికారమన్న ఆటవిక భావజాలంతో........... శాంతి భద్రతలకు చితి పేరుస్తూ ఇష్టారాజ్యంగా చెలరేగుతున్న సమయంలో........భారత ప్రభుత్వం ఆ ముప్పును తిప్పి కొట్టే ఏదైనా జాతీయ వ్యూహం రూపొందించాల్సిన అవసరం వుంది........

............ఓ జాతీయ వ్యూహం రూపొందించకుండా ఈరోజున అంటే 22 జూన్ 2009 జ్యేష్టమాసం సోమఅమావాస్య మృగశిర నక్షత్రంలో, కేంద్రం మావోయిస్టులపై నిషేధం విధించటం దుష్ట మకర మాలికా యోగ దేశారిష్ట ఫలితమేనని చెప్పక తప్పదు. ఎప్పటినుంచో నిషేధం విధించకుండా ఈ దేశారిష్ట సమయంలోనే విధించటం జ్యోతిశ్శాస్త్ర రీత్యా సబబు కానే కాదు.

ఫలితాలు ఎలావుంటాయి ?

మావోయిస్టులు ఏమి చేస్తారు ?

.... మొదలైన జ్యోతిష్య విశేషాలకై

తదుపరి పోస్టింగ్ లో తెలుసుకుందాం................. శ్రీనివాస గార్గేయ

No comments:

Post a Comment

Note: Only a member of this blog may post a comment.